Болашақ студенттермен кездесулер жалғасуда. Осындай кездесулердің бірі 11 желтоқсан күні ZOOM платформасында өткізілді. Бұл жолы Экономика және құқық институты өкілдері Қостанай қаласының №7, 8 орта мектептерінің 11-сынып оқушыларымен кездесті. Онлайн-кездесуге қатысқан студенттер саны 90 адамды құрады.
Бірінші болып Есеп және менеджмент кафедрасының меңгерушісі, PhD доктор Айдар Байкин сөз алып, «Менеджмент», «Маркетинг», «Есеп және аудит», «Мемлекеттік және жергілікті басқару» білім беру бағдарламалары туралы ақпаратты ұсынды.
Осыдан кейін Экономика және қаржы кафедрасының доценті, экономика ғылымдарының кандидаты Қанат Жұмабаев экономикалық бағыттың мамандықтары туралы айтты.
Сонымен қатар, оқушыларға «Заңтану», «Халықаралық құқық» сияқты құқықтық бағыттағы білім беру бағдарламалары жайында айтылды. Осы білім беру бағдарламалары туралы ақпаратпен Азаматтық құқық және іс жүргізу кафедрасының аға оқытушысы Сайрангүл Балғабаева бөлісті.
Сондай-ақ мектеп түлектеріне әлеуметтік бағыттағы білім беру бағдарламалары ұсынылды. «Психология» мамандығы туралы ақпаратты психология кафедрасының аға оқытушысы, педагогика ғылымдарының магистрі Айна Рахматулина берді.
Ал «Журналистика» білім беру бағдарламасын оқушыларға Журналистика және коммуникациялық менеджмент кафедрасының аға оқытушысы Амангүл Өстемірова таныстырды.
Сонымен қатар спикерлер өз презентациялары барысында әр мамандықтың қызмет бағыттары және қандай ұйымдарда тәжірибеден өтуге болатындары туралы ақпарат берді.
Кездесу соңында білім алушыларға жүргізіліп жатқан тәрбие жұмыстары туралы, студенттердің әлеуметтік, қызыққа толы күнделікті өмірі жайлы айтылды. Сондай-ақ гранттар, түрлі жеңілдіктер туралы ақпарат берілді.
