П.Чужинов атындағы Экономика және құқық институтының есеп және менеджмент кафедрасының студенттері «Баян Сұлу» АҚ кондитерлік фабрикасының «Үздік маркетингтік стратегиясының» екінші турының қатысушылары ретінде «Баян Сұлу» кондитерлік фабрикасында болды.
Өздеріңіз білетіндей, «Баян Сұлу» АҚ - кондитерлік өнімдер шығаратын Қазақстан Республикасындағы ең ірі кәсіпорындардың бірі. Фабрика 1974 жылы желтоқсанда құрылды және өз тұтынушыларын қырық жылдан астам уақыттан бері ең дәмді және сапалы өнімдерімен қуантып келеді.
«Баян Сұлу» АҚ кондитерлік фабрикасы - А.Байтұрсынов атындағы Қостанай өңірлік университетінің сенімді серіктесі. Жақында компания біздің оқу орнымыздың студенттері арасында кәсіпорынның ең жақсы маркетингтік стратегиясына конкурс жариялады.
Байқаудың бірінші кезеңі университет қабырғасында өтті. Ал екінші тур Басқарма төрағасы, компания президенті Тимур Садықовтың шақыруымен кәсіпорында, «Баян Сұлу» АҚ кондитерлік фабрикасында өтті.
Байқаудың осы кезеңі аясында 3 ғылыми жоба ұсынылды:
Ғылыми жобалар қызу диалог форматында қорғалды. Тимур Мейірханұлы және маркетинг бөлімінің қызметкерлері Андрей Радчук пен Алексей Зюбанов біздің студенттердің жауаптарын нақтылады, сұрақтар қойды, олардың жауаптарын толықтырды.
Компания басшылығының пікірі бойынша ғылыми жобалардың үшеуі де «Баян Сұлу» АҚ кондитер фабрикасының маркетингтік стратегиясының ең жақсы нұсқалары бола алады және бірінші орынға лайық.
Біздің студенттердің осындай жарыстарға қатысуы университет қабырғасында алған білімдері мен дағдыларын тексеруге, ғылыми әлеуеті мен кәсіби құзыреттіліктерін іске асыруға, өз саласындағы мамандармен қарым-қатынас пен ынтымақтастықтың баға жетпес тәжірибесін алуға тамаша мүмкіндік береді.
Айтпақшы, Менеджмент мамандығының 4-курс студенті Әлия Байсалбаева өзінің дипломдық жұмысында «Баян Сұлу» кондитерлік фабрикасының қызметін талдайды және диплом алды тәжірибесін аталмыш кәсіпорында өтеді.
Сонымен қатар, жақын арада институт студенттеріне кондитер фабрикасына экскурсия өткізіледі, онда олар жоғары сапалы кондитерлік өнімдерді дайындаудың технологиялық процестерімен және оларды әрі қарай сату, Қазақстанның және шет елдердің нарығына шығару үрдісімен таныса алады.
Университет пен өндірістік кәсіпорындар арасындағы өзара іс-қимылдың бұл сәтті форматы болашақта да жалғасын табады.
