Қыркүйек айында біз «Baitursynov University» түлектері қауымдастығының жұмысы басталғанын хабарлаған болатынбыз.
Осы уақыт ішінде университеттің командасы алғашқы тізімдерді қалыптастырып, ашық дәрістер өткізді, әлеуметтік желілерде «университет күнделігі» айдары іске қосылды.
Оқу орны қауымдастықты тек имидждік іс-шаралар өткізетін орган ретінде ғана көрмейді. Бұл – университет пен оның түлектері арасындағы басты байланыстырушы буын болуға, оларды ЖОО-ның миссиясын, пайымын және стратегиялық даму мақсаттарын жүзеге асыруға тартуға арналған үлкен қауымдастық.
Қауымдастықты құрудың басты себебі – барлық кезеңдердегі түлектердің бірлігін нығайту және студенттердің шығармашылығын дамыту мен қолдау алаңын құру. Біріккен және табысты түлектер AlmaMater-дің тиімді дамуына ықпал ете алады деп ойлаймыз.
Университеттің 80 жылдан астам тарихында оның қабырғасынан бүгінгі күні әр түрлі салалар мен бағыттарда өзін-өзі танытып жүрген білікті мамандардың үлкен армиясы түлеп шықты.
Бүгінде А.Байтұрсынов атындағы ҚӨУ-і Baitursynov University Alumni-дің қажетті нормативтік құжаттарын, ұйымдық құрылымы мен жоспарларын қалыптастырып жатыр. Біз түлектеріміздің әрқайсысын үлкен қауымдастықтың бір бөлігі болуға және өзі түлеп ұшқан жоғары оқу орнының дамуына үлес қосуға шақырамыз!
