«Өнер» студенттер мәдениет үйінің «Бадрисафа» би тобы «Sanaly urpaq – 2050» қоғамдық қоры ұйымдастырған би байқауында жеңіске жетті. «Студенттердің қозғалыстарын, идеяларын және жобаларын дамыту бойынша іс-шаралар кешенін өткізу» жобасы аясында өткен би сайысы екі блоктан тұрды: ұлттық және заманауи би. «Бадрисафа» би тобы ұлттық би блогында «Бозінген» биімен өнер көрсетті, қоюшы-хореографы – Саяхат Сумамбаева.
Қазан айындағы сайыстың қорытындысы кешегі өткен «Студенттер аруы-2022» студенттік күздің қорытынды Гала-концертінде белгілі болды. «Бадрисафа» би тобы 125 мың теңге көлеміндегі сертификат пен дипломға ие болды.
Бишілерімізді құттықтаймыз! Алар асуларыңыз көп болсын!
