А.Байтұрсынов атындағы ҚӨУ-нің студенттері 2021 жылдың 26-29 наурызында Петропавл қаласында өткен кір көтеруден Қазақстан Республикасының іріктеу чемпионатында сәтті өнер көрсетті.
Солтүстік Қазақстан облысында алғаш рет өткізілген кір көтеру жарысына Қазақстанның 11 аймағынан жүзден астам спортшылар қатысты.
Яна Литвинова, Семен Турченко, Кирилл Мартынчик өз салмақтарында чемпион атанды. Олар Қазақстан Республикасының ұлттық құрамасының құрамында сәуір айында Ташкентте (Өзбекстан) өтетін Азия чемпионатында еліміздің намысын қорғайды.
Юлия Рудева – күміс жүлдегер. Алла Вишнякова мен Артем Мишур үшінші орынды місе тұтты.
