А.Байтұрсынов атындағы Қостанай өңірлік университетінің П.И.Чужинов атындағы Экономика және құқық институтының философия кафедрасы Алғыс айту күніне арналған «Қазақ халқының жігері мен тектілігі!» атты онлайн дөңгелек үстел өткізді.
Іс-шараның модераторлары: Бағытжан Алшанова – философия ғылымдарының кандидаты, доцент, Айгүл Амантаева – философия ғылымдарының кандидаты, доцент. Дөңгелек үстелді философия кафедрасының меңгерушісі, PhD докторы Оралбай Қабыл ашып берді.
Шараға түрлі ұлт пен дін өкілдері қатысты. Олардың әрқайсысы өз тарихымен бөлісіп, қазақ халқына ризашылықтарын білдірді және қазақтардың ұлылығы мен тектілігін атап өтті.
Іс-шараның қонақтары: Светлана Арыстамбаева - Л.Н. Гумилев атындағы ЕҰУ-нің оқытушысы, ф.ғ.к., ҚПҒА корреспондент-мүшесі; Светлана Цветкова - Лев Толстой атындағы облыстық кітапханасының «Әмбебап оқу залы» бөлімінің меңгерушісі; Мин Ф.М. - ақын, Қостанай облысының корей диаспорасының мүшесі.
Университет ғалымы, тарих ғылымдарының кандидаты, философия кафедрасының доценті, этносаралық және конфессияаралық қатынастар мәселелерін зерттеу орталығының жетекшісі Жангелді Шәукеновтің әңгімесін студенттер ұйып тыңдады. Сонымен қатар ф.ғ.д., философия кафедрасының доценті Денис Качеев, Психология кафедрасының оқытушысы, педагогика ғылымдарының магистрі Нұргүл Әубәкірова дөңгелек үстел қатысушыларын баяндамасымен қызықтыра білді.
