А.Айтмұхамбетов атындағы инженерлік-техникалық институтының «Әдістемелік жаңашылдықтар панорамасы» аясында «Электр энергетикасы» мамандығының 2-курс студенттерінің қатысуымен «Эрудиттер сайысы» интеллектуалдық ойыны өткізілді. Ойынға үш команда қатысты.
Әр команда өз ұранымен, эмблемасымен таныстырды, ал сайыстың сұрақтары электротехника саласындағы тақырыптарды қамтыды:
- ғалымдар мен жаңалықтар (электротехникада жаңалық ашқан ғалымдар);
- электротехниканың даму тарихы (алғашқы электр желілері, су электр станциялары және т.б.);
- түсіндіріңіз ...? (электромагниттік құбылыстарды түсіндіру;
- тұрақтылар (электротехникада қолданылатын физикалық тұрақтылар);
- өткізгіштердің, жартылай өткізгіштердің және диэлектриктердің қасиеттері;
- тапсырмалар.
Сайыс тартысты, қызықты өтті. Нәтижесі: Құрамына Алдияр Ахметов, Александра Бельцова және Антон Крамарчук бар «220В» командасы 1 орынды жеңіп алды. Олар «Золотая голова» дипломымен марапатталды.Наиль Давлетшин, Диана Коккузова және Кристина Молибоженко - «Люкс» командасы 2-орынды иеленді. Оларға «Светлая голова» дипломы берілді. Ал 3-орын Тілеген Абитов, Әділет Оразымбетов және Жасұлан Жантілестің «Кчао» командасына бұйырды.
