Қазақстан Республикасы Тәуелсіздігінің 30 жылдығы аясында Чужинов атындағы экономика және құқық институты жастарды қолдау мен дамытуға бағытталған бірқатар іс-шараларды жүзеге асыруда.
Жастар - елміздің болашағы. Институттың басты міндеттерінің бірі - бәсекеге қабілетті және шығармашыл жастарды тәрбиелеу.
Институт жастарды жан-жақты дамыту мақсатында әртүрлі семинарлар, тренингтер мен кездесулерді бастады.
Кеше «Қаржылық сауаттылық» тақырыбындағы семинар-тренинг өтті. Іс-шара спикері - Қостанай облысының «Рухани жаңғыру» жобалық кеңсесінің жетекшісі Нұрбек Әбдібеков. Ол өз сөзінде студенттерге қаржыны қалай дұрыс бөлу керектігін, бизнес-идеяны қалай құруға болатынын айтты. Студенттер бизнестегі «активтер» мен «пассивтер» дегеніміз не және олардың көмегімен қаржылық тәуелсіз болу туралы ақпарат алды.
Тренингке «Экономика» және «Қаржы» мамандықтарының 1 курс студенттері қатысты.
