Ағымдағы жылдың сәуір айында Нұр-Сұлтан қаласында Халықаралық жас ғалымдар ассоциациясының ұйымдастырумен «Үздік жас ғалым - 2021» байқауы өтті. Байқаудың мақсаты – жас ғалымдарды қолдау, шабыттандыру.
Байқауға А.Байтұрсынов атындағы ҚӨУ-нің журналистика мамандығының 1 курс студенті Аяжан Шнетова «Журналистика» бағыты бойынша қатысып, жүлделі 1 орынды иеленді. Жетекшісі - Журналистика және коммуникациялық менежмент кафедрасының аға оқытушысы Гүлшат Маркабаева. Жоба тақырыбы – «Ел имиджін қалыптастырудағы коммуникативтік стратегиялар».
Жеңімпаздардың ғылыми мақалалары Тәуелсіз мемлекеттер достастығы елдері жас ғалымдарының «Үздік жас ғалым-2021» кітаптар топтамасының ІІІ нөмірінде жарияланады.
