Жаратылыстану ғылымдары кафедрасының профессоры Татьяна Брагина ғылыми жетістіктері үшін беделді халықаралық Scopus Award сыйлығымен марапатталды. Бұл сыйлық жыл сайын ғылымды дамытуға қосқан ерекше үлесі үшін әлемнің көрнекті ғалымдарына беріледі. Салтанатты рәсімнің басты ұйымдастырушысы – Scopus және Science Direct сияқты беделді жаһандық ғылыми дәйексөз жүйелерін қадағалайтын және әлемдегі импакт-факторы жоғары академиялық журналдардың ең көп бөлігін бақылайтын (2500-ден астам) әйгілі ағылшын тілді Elsevier баспасы. Сыйлық ғылымды дамытуға қомақты және өз саласында қолданбалы зерттеулерге ең көп үлес қосқан, сондай-ақ Хирш индексі жоғары (h-индексі) ғалымдарды халықаралық деңгейде танытуға, қолдау көрсетуге бағытталған.
Татьяна Михайловнаны құттықтаймыз, шығармашылық шабыт, ғылыми ізденіс, денсаулық тілейміз!
