Аптаның басында А.Байтұрсынов атындағы Қостанай өңірлік университетінің ғылымдарынан құрылған «Ұстаз жолы: Орынбаев мектебі, Қостанай педагогикалық сыныбы» атты экспедиция сапарға аттанды. Экспедиция Ұлт ұстазының 150 жылдық мерейтойы аясында ұйымдастырылды. Ғалымдар Меңдіғара ауданына бет алып, Ахаң мұғалімдік қызмет атқарған Орынбаев мектебінің орнын бағамдап, Қостанай педагогикалық сыныбы туралы мәлімет жинақтауда. Сондай-ақ Меңдіғара ауданының жұртшылығын ағартушының өміріндегі осы бір кезеңмен кеңірек таныстыру мақсатында аудан орталығында кездесу өткізу жоспарда бар.
Экспедиция жетекшісі – ҚӨУ-нің профессоры, филология ғылымдарының докторы Алмасбек Әбсадық.
