Бүгін Ветеринарлық медицина кафедрасының ұйымдастыруымен «Жануарлардың денсаулығын интегралды қорғаудың өзекті аспектілері» атты халықаралық ғылыми-практикалық конференция өтті. Конференция биология ғылымдарының докторы, профессор Виталий Ильященконы еске алу, ғылымға сіңірген еңбегін дәріптеу мақсатында ұйымдастырылды.
Шараға онлайн форматта Өзбекстан, Ресей, Болгария елдерінің ғалымдары, сондай-ақ ветеринарлық дәрігерлер, облыстың мемлекеттік мекемелерінің басшылары, Виталий Ильичтің шәкірттері қатысты. Барлығы 50 баяндама тіркелді.
1985-жыл Қостанай ауылшаруашылық институтына жұмысқа келген Виталий Ильященко әр түрлі жылдары акушерлік және хирургия кафедрасы, мал шаруашылығы өнімдерін қайта өңдеу технологиясы, сонымен қатар клиникалық пәндер кафедраларының меңгерушісі болған. Кейін ветеринарлық медицина кафедрасының профессоры атанады.
Виталий Ильященко – ғылыми әлемде жарқын із қалдырған ғалым, ол бір топ талапты паразитологтарды дайындап шығарған, оның жетекшілігімен үш кандидаттық диссертация және студенттердің бірқатар ғылыми және дипломдық жұмыстары сәтті қорғалған.
