А.Байтұрсынов атындағы Қостанай өңірлік университетінде ауылшаруашылығы ғылымдарының докторы, профессор Бақытжан Мүслімовты еске алуға арналған «Зоотехнияның заманауи мәселелері» атты V Халықаралық ғылыми-практикалық конференция өтті.
Ұйымдастырушы – В.Двуреченский атындағы ауылшаруашылығы институтының Мал шаруашылығы өнімдерін өндіру технологиясы кафедрасы. Конференцияда үш блок бойынша түрлі мәселелер қарастарылды. Мәселен, дербес зоотехния, асылдандыру, селекция, ауылшаруашылық жануарларының генетикасы және көбеюі, сондай-ақ өнеркәсіптік технологиялар жағдайында ауыл шаруашылығы жануарларының денсаулығын қорғау мәселелері сөз болды.
Іс-шараға ЖОО-ның ғылымдары, студенттер мен магистранттар, докторанттар және ғылыми орталықтардың басшылары, сабақтас ғылымдар, биология, экология, өсімдік шаруашылығы, ақпараттық технологиялар саласындағы мамандар қатысты.
Конференция жинағына Қазақстанның, Ресей, Тәжікстан, Қырғызстан, Беларусь, Украина, Чехия елдері ғалымдарының 50-ден астам жинақтары енді. Шара соңында мал шаруашылығы өнімдерін өндіру технологиясы кафедрасында Бақытжан Мүслімовтің құрметіне орай кабинет ашылды.
