26 қазан күні А.Байтұрсынов атындағы ҚӨУ-нің педагогикалық бағыттағы ғылыми кітапханасының қызметкерлері Жаратылыстану ғылымы пәндері кафедрасының 1 курс студенттері үшін «Ғалым еңбектерімен даңқты» атты кафедра оқытушыларының ғылыми еңбектерінің көрмесін ұйымдастырды.
Жаратылыстану ғылымы пәндері кафедрасының аға оқытушысы, биология магистрі Мария Рулева студенттерді оқытушылардың ғылыми жұмыстарының негізгі бағыттарымен, кафедрада әр жылдары орындалған жобалармен таныстырды. Расында да, осы уақытқа дейін ҚӨУ-нің оқытушылары көптеген монографиялар мен оқулықтар жазды, пайдалы ақпаратқа толы жинақтар шығарды. Бұл ғылыми жұмыстарды студенттер сабаққа дайындалу кезінде жиі қолданады.
Оқу-әдістемелік әдебиеттерден басқа оқытушылардың еңбектері ғылыми журналдарда, конференция жинақтарында жарияланады. Оларды кітапхананы кешенді автоматтандыруға арналған репозиторий мен Кабис іздеу ақпараттық жүйесінен табуға болады.
