А.Байтұрсынов атындағы Қостанай өңірлік университетінің Ө.Сұлтанғазин атындағы Педагогикалық институты Ы.Алтынсаринның 180 жылдығына арналған Алтынсарин оқулары-2021 "ҚР Білім беру жүйесіне заманауи сын-тегеуріндер тұрғысынан үздіксіз білім беру» Халықаралық ғылыми-практикалық конференциясына қатысуға шақырады. Конференция онлайн форматта, ақпан айының 19-ы күні өтеді.
"Алтынсарин оқулары" - конференциясы Қостанай облысының білім беру жүйесінің ең маңызды ғылыми іс-шараларының бірі. Іс-шараға қазақстандық және шетелдік жоғары оқу орындарының жүздеген ғалымдары, білім беру жүйесінің, қоғамдық ұйымдардың, облыс және қала әкімшілігінің өкілдері қатысады.
Біздің университет аймақтағы білім беру ұйымдарымен белсенді жұмыс істейді. ЖОО – Мектеп – Колледж – Білім басқармасының өзара іс-қимылы мен интеграциясының негізгі бағыттары: облыстың білім беру ұйымдарынан жұмыс берушілерді тарту, ЖОО-ның әлеуметтік әріптестерін мектептердегі білім беру мазмұнын жаңартуды, бағалау жүйесін, педагогтердің қызметін жаңғыртуды және өңірлік білім беруді дамытудың өзекті міндеттерін ескеретін білім беру бағдарламаларын әзірлеуге және кәсіптік даярлау мазмұнын қалыптастыруға тарту.
Конференция аясында білім беру және білім беру субъектілерін психологиялық-педагогикалық сүйемелдеудің өзекті мәселелері жарияланады. Конференцияның диалогтық алаңы инновациялық-педагогикалық тәжірибені таратуға, ғылым мен практиканың басым бағыттары бойынша идеялармен алмасуға, жас ғалымдардың ғылыми зерттеулерінің нәтижелерін ұсынуға мүмкіндік береді.
Біз конференцияда қызықты баяндамалар күтеміз, заманауи білім берудің өзекті мәселелерін талқылаймыз, білім мен ғылымды дамытудың 2020-2025 жылдарға арналған жаңа мемлекеттік бағдарламасына сәйкес жаңа бағдарларды белгілейміз.
Толығырақ ақпараттық хатқа өтіп, таныса аласыз.
Конференцияның өтетін күні - осы жылдың 19 ақпаны.
Орны - Қостанай қаласы, Тәуелсіздік көшесі, 118.
Уақыты: 11:00-13: 00 АМ Алматы
ZOOM конференциясына қосылу https://zoom.us/j/99091288911?pwd=bnZOWUZhcHBKLzVOWVdHTG9NS3dpUT09
Конференция идентификаторы: 990 9128 8911 Кіру коды: 433332
