А.Байтұрсынов атындағы ҚӨУ-нің психология кафедрасының оқытушылары Пенза мемлекеттік университетінің базасында өткен «Жаппай сананы зерттеудің өзекті мәселелері» атты VI Халықаралық ғылыми-практикалық онлайн-конференциясына қатысты.
«Мәдени трансмиссияның әлеуметтік-психологиялық аспектілері» секциясы аясында Қазақстан мен Ресейдің жоғары оқу орындарының өкілдері ең өзекті мәселелерді талқылады.
Талқылауға арналған тақырыптар ұлтаралық өзара іс-қимылдың трансшекаралық ерекшеліктері, цифрлық технологиялар мен әлеуметтік желілердің балалардың психикалық және физикалық денсаулығына әсері, шетелдік студенттерді әлеуметтендіру құралы ретіндегі мәдени-тынығу қызметін қарастыру, шетелдік студенттерді бейімдеу мақсатындағы педагогикалық қолдау, ұлттық мерекелерді ұйымдастыру, сонымен қатар қашықтықтан білім берудің даму ерекшеліктері мен тенденциялары және т.б. мәселелер төңірегінде болды.
Психология кафедрасының меңгерушісі Гүлнара Сатқанғұлова мен психология кафедрасының аға оқытушысы Роза Жанғалиева «Ғылым мен қоғамдағы антропология және психология» бөлімінде баяндама жасады, ал «Психология» мамандығының студенті Виктория Гаан «Әлеуметтік-мәдени трансмиссияның психологиялық аспектілері» бөлімінде өз ойымен бөлісті.
Пленарлық отырыста Ресей, Украина, Қырғызстан, Тәжікстан, Моңғолия және Индонезия университеттерінің жетекші ғалымдары өзекті тақырыптарды қозғады.
