«Сот және құқық қорғау қызметі» білім беру бағдарламасының 1-курс студенттері Қостанай облысы полиция департаментінің Жедел әрекет ету арнайы жасағының (СОБР) базасында болды. Оларды Қылмыстық құқық және іс жүргізу кафедрасының аға оқытушысы Сәрсенғали Аралбаев бастап барды. Экскурсияның мақсаты – жастарды отансүйгіштікке тәрбиелеу және 1-курс студенттерінің кәсіби мәдениетін қалыптастыру, сондай-ақ облыстағы құқық қорғау органдары жүйесімен таныстыру.
Арнайы жасақ қызметкерлері студенттерді қару-жарақпен, арнайы техникалармен таныстырды, олардың қандай жағдайда және қайда қолданылатынын айтып берді. Студенттер Жедел әрекет ету арнайы жасағы қызметкерлеріне арналған қорғаныс құралдарын киіп көрді. Сонымен қатар ҚР Ішкі істер министрлігі жүйесіндегі маңызды бөлімше қызметкерлерінің кәсіби, спорттық, мәдени өмірі, халықаралық және республикалық жарыстардың бірнеше дүркін жеңімпаздары мен жүлдегерлерінің спорттық марапаттары туралы танымдық бейнероликтер көрсетілді.
Қылмыстық құқық және іс жүргізу кафедрасы Қостанай облысы полиция департаментінің Жедел әрекет ету арнайы жасағының барлық қызметкерлеріне қызықты экскурсия өткізгендері үшін шексіз алғыс білдіреді және алдағы уақытта да жемісті ынтымақтастыққа сенімді!
