Бүгін А.Байтұрсынов атындағы ҚМУ ректоры Алма Дощанованың Қостанай облысының мектеп бітірушілерімен тағы бір онлайн-кездесуі болды. Бұл әр бейсенбі сайын университеттің Instagram және Facebook әлеуметтік желілерінің платформасында өтетін және университеттің Youtube каналынан көруге болатын дәстүрлі тікелей эфир. Наурыздан бері барлығы 13 эфир өтті.
Қашықтағы жұмыс форматы талапкерлермен жұмыстың жаңа перспективалары мен мүмкіндіктерін ашады және әлеуметтік желілердің ресурстары белсенді қолданылады, ал бұл аймақтың барлық аймақтарын қамтуға мүмкіндік береді.
Бүгінгі кездесу барысында талапкерлер назарына төмендегі білім беру бағдарламалары ұсынылды:
Журналистика;
Ветеринарлық санитария;
Электр энергетикасы;
Психология;
Қазақстан тарихы және философия.
Кафедра меңгерушілері биылғы мектеп түлектерімен білім бағдарламалары туралы, Қостанай мемлекеттік университетінде оқудың артықшылықтары туралы жан-жақты айтып берді, сонымен қатар мектеп оқушылары мен олардың ата-аналарының сұрақтарына жауап берді. Талапкерлерді жоғары оқу орындарына түсу ережелері, құжаттарды онлайн режимде тапсыру туралы сұрақтар қызықтырады. Сондай-ақ түлектерді білім гранттарын алу және ҰБТ тапсыру кезінде шекті баллды еңсеру мәселелері толғандырады екен. Қарапайым және түсінікті тілде оқушыларға грантқа қалай дұрыс өтініш беру керектігі, ауылдық квота деген не екендігі туралы түсіндірілді. Осы және басқа да көптеген сауалдарға кәсіптік бағдар беру және тестілеу бөлімінің бастығы, қабылдау комиссиясының жауапты хатшысы Арман Бекмағамбетов жауап берді.
