Мектеп бітіруші түлектер үшін қызу науқан, олар қазір ҰБТ-ға дайындық үстінде. Осы маңызды кезеңнен өткеннен кейін оларды тағы бір жауапты қадам күтіп тұр. Ол – мамандық таңдау, жоғары оқу орнына түсу. Сондықтан Журналистика және коммуникациялық менеджмент кафедрасы мектеп және колледж түлектерімен онлайн-кездесу ұйымдастыруға шешім қабылдады. Конференцияға шығу уақытын талапкерлер өздері белгіледі. Кафедра оқытушылары уақыттың кеш болғанына қарамастан журналистика мамандығын таңдаған мектеп түлектерінің барлық сұрақтарына жауап беруге тырысты.
Онлайн-кездесуге қатысқан Қостанай облысының, Ақмола облысының оқушылары онлайн режимдегі ЖОО-ның қабылдау комиссиясының жұмысы, құжаттар тізімі жайында ақпарат алды және шығармашылық емтихандарға қалай дайындалу керектігі туралы білді. Мұндай кездесулер әлі де болады. Сізді қызықтырған сауалдарыңыз болса, онлайн-кездесулерімізге қосылыңыздар!
