Бұл шырынды аралар және олар пайдалы бал береді... Сонымен қатар, олар экологиялық ең таза.
Олар Қарабалық ауданындағы «Петровская омартасында» тұрақтап жұмыс істейді. Baitursynuly University қолданбалы биотехнология ҒЗИ ғылыми қызметкерлері шетелдік паразитолог Ahmet Onur Girisgin-мен бірге барды.
Улудаг университетінің (Түркия) маманына бұл омартаны кездейсоқ көрсеткен жоқ. Бұл ҚР Ұлттық омарташылар одағы жобасының демонстрациялық алаңы әрі еуропалық стандарт сертификатымен расталған экологиялық таза өнімі бар солтүстік және орталық Қазақстандағы жалғыз стационарлық омарта шаруашылығы.
Омартада бал конвейері жасалған. Мұнда 70-тен астам бал өсімдіктері өседі, яғни, бірегей ботаникалық құрамы бар органикалық ара шаруашылығы өнімдерін алуға мүмкіндік береді.
Ғалымдар шаруа қожалығының басшысы әрі Қазақстанның «Бал-Ара» ұлттық омарташылар одағының штаттан тыс вице-президенті Сергей Петровпен ара шаруашылығының өзекті мәселелері жөнінде талқылады. Түрік әріптесі өз тәжірибесімен бөлісті. Жоспарда – бірлескен жобалар бар!
