Нұрсұлтан Назарбаев қоры 2023 жылғы 5 маусым мен 8 қыркүйек аралығында өткен студенттік стипендиялар республикалық конкурсының қорытындысын шығарды.
Байқау 2010 жылдан бастап жыл сайын өткізіліп келеді және осы уақыт ішінде 879 студент осы қордың стипендиясына ие болды. Биылғы оқу жылында дарынды жастардың тағы 80 өкілі қордың стипендиялық бағдарламасының жүлдегерлері атанды.
Солардың бірі А. Байтұрсынұлы атындағы ҚӨУ-нің «Тарих» ББ 4 курс студенті Айша Рахыметова. Ол мемлекеттік гранттың иегері, айтпақшы, көтермелі стипендия алады. Сонымен қатар, ол қоғамдық жұмыстармен белсенді айналысады. «Парасат» пікірсайыс клубының мүшесі және облыстық қана емес, республикалық деңгейдегі пікірсайыстардың бірнеше дүркін жеңімпазы болып табылады.
Болашақ тарихшы ретінде Айша «Алаш» партиясы мен оның басшысы Әлихан Бөкейхановтың қызметін белсенді зерттейді. Ол өзінің ғылыми мақалаларымен студенттердің ғылыми конференцияларында сөз сөйледі. Ал осы жылдың мамыр айында ол Елбасы медалін алды.
Биылғы байқауға Қазақстанның қалаларынан барлығы 299 студент қатысып, үздік шыққан 80 жеңімпаз енді бір оқу жылы ішінде ай сайын 40 мың теңге көлемінде стипендия алатын болады.
Ағымдағы жылдың желтоқсан айында Алматыда шәкіртақы сертификаттарын тапсыру және еліміздің үздік студенттерін құрметтеу салтанатты рәсімі өтеді.
