2021 жылдың 28 сәуірінде Қостанай өңірлік университетінде "Қазіргі лингвистика мен лингводидактиканың өзекті мәселелері" атты X халықаралық конференция өтті. Конференцияға Қазақстан, Ресей, Өзбекстанның 100-ден астам жас ғалымдары қатысты.
Конференцияның міндеттері: ғылыми-зерттеу қызметі дағдыларын жетілдіру және талдау қабілеттерін дамыту арқылы студенттердің интеллектуалды және шығармашылық әлеуетін дамыту; студенттердің ізденісі мен зерттеушілік және шығармашылық қызметінің нәтижелерін қорытындылау.
Конференция аясында 5 секция жұмыс істеді: «Жалпы тіл білімінің теориялық және әдістемелік мәселелері. Көптілділікті зерттеу»; «Салыстырмалы және қолданбалы тіл білімінің мәселелері»; «Шетел тілін оқыту әдістемесі»; «Аударма және аударма ісінің теориялық, әдістемелік және қолданбалы мәселелері»; «Қазіргі заманғы әдебиеттанудың қолданбалы аспектілері».
Секцияларда үш тілде (қазақ, орыс, ағылшын) баяндамалар ұсынылды. Жалпы және салыстырмалы лингвистика бойынша, әдебиеттану және әдеби талдау, тілдерді оқыту әдістемесі, аударма ісі, жалпы қазіргі заманғы лингвистикалық ғылымның өзекті мәселелері қарастырылып, практикалық ұсыныстар беріледі. Қатысушылардың баяндамалары дереккөздерді терең талдаумен және жоғары сапалы тәуелсіз тәжірибелік зерттеулермен ерекшеленді.
