«Жанжалдарды басқару»

Читать: 1 мин

Бүгін А.Байтұрсынов атындағы ҚМУ-нің Психология және инклюзивті білім беру орталығы  оқу орнының 2-3 курс студенттері үшін «Жанжалдарды басқару» (Управление конфликтом) тақырыбында вебинар ұйымдастырды. Вебинарды психолог-кеңесші, сертификатталған жаттықтырушы, Қазақстан психологтары одағының мүшесі, танымдық-мінез-құлықтық психотерапия қауымдастығының мүшесі, орталықтың меңгерушісі Татьяна Волошина жүргізді. Пайдалы шараға қатысуға ниет білдірген студенттердің вебинардан түйгені көп. Олар өздерін толғандыратын сауалдардың жауабын тапты. Вебинар барысында қатысушылар қақтығыс кезіндегі мінез-құлықтың түрлері мен стратегияларын, жанжалдың оң және теріс функцияларын зерттеп, жанжалдағы конструктивті мінез-құлықтың өзіндік диагностикасын өткізді. «Біз қақтығыс жағдайында не істемеу керек және эмоционалды күйді қалай дұрыс басқаруға болатындығын талқыладық. Алғашқы минуттардан бастап қатысушылар жаңа білімді белсенді игеруге және практикалық жаттығуларға қатысуға дайын болды. Бұл көзқарас жұмыстың жақсы қарқынын сақтауға және уақыттың көп бөлігін кездесетін жанжалды жағдайларды талдауға және зерттеуге бөлуге мүмкіндік берді»,-дейді Татьяна Волошина.  

КГУ