«Информатика, робототехника және дизайн» мамандығының 1 курс студенттері Айым Жаңабай мен Қасиет Қазбекқызы (ғылыми жетекшісі т.ғ.д., ФМКТ кафедрасының доценті Зәуреш Ерсұлтанова) Абай атындағы Қазақ ұлттық педагогикалық университетінің базасында өткен «Zhas Zertteushi» оқушылар мен студенттердің үшінші халықаралық ғылыми-зерттеу жұмыстары байқауына қатысты. Байқауға Қазақстан университеттерімен қатар Әзірбайжан мемлекеттік педагогикалық университетінің өкілдері де қатысты.
Бірінші кезеңде, яғни 2022-жылдың 4 қаңтардан 31 қаңтарға дейін конкурстық жұмыстар үш мәрте рецензиядан (Абай атындағы ҚазҰПУ ішкі рецензент, Қазақстан Республикасы университетінен сыртқы рецензент, шетелдік рецензент) өтті.
15 наурызда байқаудың қорытындысы шығарылды. Нәтижесінде «Педагогика» бөлімі бойынша 106 ұпай жинаған Айым Жаңабай 1-орынға ие болды.
Сондай-ақ Айым Жаңабай мен Қасиет Қазбекқызы «Bilim zhane Bolashak» атты ғылыми жоба байқауында 27 ұпаймен (жоғарғы ұпай - 30), «М-learning мобильді оқытудың сипаттамалары, техникалық құралдары мен бағдарламалық жабдықтары» тақырыбындағы ғылыми мақаласымен, І дәрежелі дипломға ие болды. Сонымен қатар олар бұл жобаны орыс тілінде де ұсынды, байқау онлайн форматта өтті.
10 адамнан құрылған қазылар алқасы зерттелген тақырыптың өзектілігін және ұсынылған жұмыстың өзіндік ерекшелігін атап өтті. Нәтижесінде – 1 орын. Студенттерімізді құттықтаймыз, биіктен көрініңіздер!
