Кеше, мұғалімдер күнінде облыс орталығында Қазақстан Тәуелсіздігінің 30 жылдығына, Ы.Алтынсариннің 180 жылдығына арналған велошеру өтті. Оған облыс әкімдігі, білім басқармасы, жоғары оқу орындарының қызметкерлері мен студенттері, сондай-ақ арасында әуесқой және кәсіби спортшылар бар 200 -ге жуық адам қатысты.
Велошеру облыс әкімдігі алаңынан бастау алды. Велосипедшілер Ы.Алтынсарин кесенесінің тұсында аялдама жасап, Қостанай облысы әкімінің орынбасары Бақыт Есімова мен Арман Әбенов ұлт ағартушысының кесенесіне гүл шоқтарын қойды. Шеру Тәуелсіздіктің 25 жылдығы жағалауында өз мәресіне жетті. Спортшылар барлығы 15 шақырымды еңсерді.
Велошеру өткізу туралы бастаманы А.Байтұрсынов атындағы Қостанай өңірлік университетінің оқытушылары мен студенттері де қолдады.
