Жыл сайын 100-ден астам мемлекетте қазан айының бірінші жексенбісінде 1994 жылдан бері қалыптасқан Дүниежүзілік мұғалімдер күні атап өтіледі.
Бұл - барлық мұғалімдердің, оқытушылар мен жалпы білім беру саласы қызметкерлерінің кәсіби мерекесі.
Бүгін А.Байтұрсынов атындағы Қостанай өңірлік университетінде Мұғалімдер күніне арналған мерекелік шара өтті. Оқу орны ректоры Алма Дощанова ұлағатты ұстаздарды кәсіби мерекелерімен құттықтап, кадрларды дайындау жүйесінде, оқытудың инновациялық әдістерін, жоғары кәсіби біліктері және белсенді өмірлік позициялары үшін бір топ университет қызметкерлері мен оқытушыларын мақтау қағаздарымен марапаттады. Сондай-ақ төмендегі университет қызметкерлері ҚР-ның Білім және ғылым министрінің мақтау қағаздарын алды:
Білім – біліктілікке жеткізер баспалдақ, ал біліктілік – сол білімді іске асыра білу дағдысы», - деп Ахмет Байтұрсынұлы айтқандай, білімі мықты, білігі жоғары жаңашыл ұстаздар біздің оқу ордамызда да жеткілікті. Өз істерінің жоғары деңгейдегі мамандары атанған құрметті ұстаздардың тынымсыз еңбектерінің арқасында жоғары оқу орнынан мыңдаған студенттеріміз заман сұранысына сай білікті маман болып шығуда. ҚӨУ-нің шәкірттері еліміздің түкпір-түкпірінде тәуелсіз мемлекетіміздің гүлденіп, өркендеуі үшін бар күш-жерімен, аянбай еңбек етіп жүр.
Шәкірттер санасына білім сәулесін шашып, ғылымның шырағын жағып жүрген ұлағатты ұстаздарға ақ тілектер мен ыстық ықыластарын білдірген білім ордасының студенттері мерекелік концерт ұйымдастырып, жиылған қауымға ерекше көңіл-күй сыйлады.
Білім мен ғылымға арнаған істеріңіз абыройлы болып, құрметтеріңіз әрдайым арта берсін! Болашақтың тұғыры жастарымыз білімді де іскер болсын!
