А.Байтұрсынов атындағы ҚӨУ-нің кәсіптік бағдар беру бөлімі Шығыс Қазақстан облысы Тарбағатай ауданының 10-11 сынып оқушыларымен онлайн кездесу ұйымдастырды, оған 50 мектеп қатысты.
Мектеп оқушыларына университет туралы толық ақпарат берілді. Атап айтқанда, Ө.Сұлтанғазин атындағы педагогикалық институтының, П.Чужинов атындағы экономика және құқық институтының, А.Айтмұхамбетов атындағы инженерлік-техникалық институтының және В.Двуреченский атындағы ауыл шаруашылығы институтының білім беру бағдарламалары таныстырылды. Институт өкілдері мектеп оқушыларына институттар туралы жан-жақты мағлұмат берді, олардың әрқайсысының артықшылықтарын айтты.
Кездесу барысында оқушылар әскери кафедра туралы, ҰБТ-ның шекті баллдары, оқу ақысы бойынша сұрақтар қойып, нақты жауаптар алды.
