2022 жылдың 10 наурызында бас ғимараттың оқу залында Ө.Сұлтанғазин атындағы педагогикалық институт пен П.Чужинов атындағы Экономика және құқық институтының психология мамандығының 1-3 курс студенттері арасында «ПсиQuest» психологиялық квесті өтті. Іс-шараның модераторлары – Практикалық психология орталығының меңгерушісі Татьяна Волошина және психология кафедрасының аға оқытушысы Айна Рахматулина.
Квестті өткізудегі мақсат – студенттердің психологияны ғылым ретінде тануы, оның салалары мен бағыт-бағдары туралы түсініктерін кеңейту болды. Психологиялық квестке екі институттан 2 команда қатысты: «Дети Фрейда» (Ө.Сұлтанғазин атындағы педагогикалық институт) және «Опросник» (П.Чужинов атындағы Экономика және құқық институты).
Қазылар алқасының құрамы төмендегідей: әлеуметтік ғылымдар магистрі, педагогика және психология кафедрасының аға оқытушысы Анар Мақанова, Қостанай облысының дарынды балаларға арналған «Білім-Инновация» лицейінің педагог-психологы Санжан Перзентбаева, Практикалық психология орталығының жетекшісі Татьяна Волошина және психология кафедрасының аға оқытушысы Айна Рахматулина.
Психологиялық квест қызықты, әрі көңілді өтті. Студенттер психологияға қатысты білімдерін көрсетіп қана қоймай, көшбасшылық қасиеттерін, тапқырлығын, бәсекеге қабілеттіліктерін танытты.
Шара соңында барлық студенттер белсенді қатысқаны үшін сертификаттармен марапатталып, шағын сыйлықтарға ие болды.
