Жуырда С.Мәуленовтың 100 жылдығына орай «Parasat maidany I» дәстүрлі облыстық дебат турнирі өтті. Турнирді Қостанай өңірлік университетінің «Парасат» дебат клубы ұйымдастырды. Пікірсайысқа 24 команда қатысты. А.Байтұрсынов атынағы Қостанай өңірлік университетінің, Ы.Алтынсарин атындағы Арқалық педагогикалық институтының, Қостанай педагогикалық колледжі және Ы.Алтынсарин атындағы мамандандырылған мектеп-интернатының оқушыларынан құралған команда, сонымен қатар 28-мектеп-гимназиясының, Физика-математика бағытындағы Назарбаев Зияткерлік мектебі, «Озат» мамандандырылған ақпараттық технологиялар мектеп-лицей-интернатының пікірсайысшылары өзара күш сынасты.
Турнир БПФ және ЛД форматтарында өтті. Пікірсайысшылар 10-ға жуық тақырыпты қозғады, қазақ лирикасының шебері Сырбай Мәуленовтың шығармашылығына да көп көңіл бөлінді.
Үздік спикер, үздік команда және үздік төреші анықталды. Сонымен қатар дебаттағы тәжірибесі 1 жылға толмаған дебатерлар арасында жастар финалы да болды.
Барлық қатысушыларға сертификаттар берілді. Төрешілер мен ұйымдастырушылар алғыс хаттармен, жеңімпаздар дипломдар және кубоктармен марапатталды.
Жастар финалының нәтижесі:
Финалға Зарина Әуелбек пен Дильназ Мырзаштан құралған «Қайтадан» фракциясы өтті.
3 орын: «Пусть так и будет» фракциясы – Диана Азимхан, Нұрсезім Кәдірхан (ҚӨУ-нің студенттері).
2 орын: «Континет» Мадина Альмухамедова, Балауса Жүніс (ҚӨУ-нің студенттері).
1 орын: «Марал-лым» Арайлым Шамшенова, Құралай Махшатова (ҚӨУ-нің студенттері).
Негізгі алаңда жеңіске жеткен «Танцуй с аламниками» фракциясының мүшелері.
Негізгі финалдың нәтижесі:
«Enhypen» фракциясының мүшелері Аягөз Макатова, Мұқаметәли Марат финалға жолдама алды.
3 орын: «Шуақ үшін» фракциясы - Мұратхан Шуйншибаев, Зухра Балахмет (ҚӨУ-нің студенттері)
2 орын: «Абзалым» фракциясы - Нұрымжан Қайрғали, Жансұлу Жаксимбекова (ҚӨУ түлегі және Ы.Алтынсарин ат. дарынды балаларға арналған мектеп-интернат оқушысы);
1 орын: «Танцуй с Аламниками» фракциясы – Рауан Карамурзин, Айгерім Төлепова (ҚӨУ түлектері).
Үздік спикер - Азиз Шамитдинов (ҚӨУ);
Үздік төреші - Баглан Аканбаев (ҚӨУ);
Бас төреші - Оғабек Шамитдинов (ҚӨУ).
