Бүгін Ө.Сұлтанғазин атындағы педагогикалық институтының жаратылыстану ғылымдары кафедрасының оқытушылары мен 1-3 курс студенттері Наурыз мейрамы қарсаңында мерекелік іс-шара өткізді. Наурыз мейрамын атап өтудегі басты мақсат – студенттер арасында достық, өзара түсіністікті дамытуға ықпал ету, адамгершілік, рухани құндылықтарды қалыптастыру. Оқытушылар мен студенттер қазақтың ұлттық ойындары мен «беташар», «тұсаукесер», «қол күрес» сияқты салт-дәстүрлерін көрсетті. Мерекені студенттердің орындауындағы музыкалық нөмірлер жандандыра түсті.
Сонымен қатар Дене шынықтыру және спорт теориясы мен практикасы кафедрасы «арқан тартыс», «асық ату», «күш сынасу» сияқты қазақтың ұлттық ойындарынан сайыстар өткізді.
Институттың профессорлары, педагогика ғылымдарының кандидаты Ольга Чернявская мен химия ғылымдарының кандидаты Гүлжан Таурбаева Наурыз мерекесімен құттықтап, ақ тілектерін жаудырды.
Іс-шара фотосессиямен және мерекелік дастарханмен аяқталды, мұнда жиналғандарға ұлттық тағамдар құрт, ірімшік, бауырсақ, айран және мерекенің басты тағамы, әрі символы Наурыз көже ұсынылды.
