Ағымдағы жылдың 21-ші маусымында «Ахмет Ұрпақтары» пікірсайыс клубының маусымдық жабылу кеші өтті. Салтанатты жиынға жастар ісі басқармасының маманы Айдана Сейдахметова қатысып, кеш қонақтары мен пікірсайысшыларға ізгі тілегін білдірді.
Пандемия жағдайында онлайн оқу мен дебат ойындарын қатар алып жүрген пікірсайысшылар үшін 2020-2021 жыл жемісті, нәтижелі болды. Кеш барысында клубтың аға буын өкілдері облыстық, республикалық деңгейде жақсы нәтиже көрсете білген «балдырған» пікірсайысшыларды марапаттап, бірнеше номинациялар табысталды.
2020-2021 жылдың «Жыл талпынысы» номинациясын Қымбат Амангелдина иеленсе, «Жыл балмұздағы» номинациясы Аружан Фазылахметоваға табысталды. 2020-2021 оқу жылында республика көлемінде «Үздік спикер» номинациясын иеленген Мұратхан Шүйіншібаевқа салтанатты жиында «Жыл спикері» номинациясы табысталды. Ал, «Жыл ұстазы» номинациясын Дәулет Сабитов иеленді.
Салтанатты кеш барысында 2021-2022 жылдағы қазақ лигасының координаторы болып 1 курс студенті Зуһра Балахмет сайланды.
