Бүгін биология ғылымдарының кандидаты, қауымдастырылған профессор, Халықаралық аграрлық білім беру академиясының корреспондент-мүшесі Галина Ручкинаға құрмет көрсетілді.
Галина Адгамовна – Қостанай ауыл шаруашылығы институтының түлегі. Орал мемлекеттік ветеринарлық академиясында аспирантураны бітіріп, кандидаттық диссертациясын қорғады. Мал шаруашылығы бойынша бірқатар оқу құралдарының авторы. Scopus, Thomson Reuters ақпараттық компаниясының деректер базасында нөлдік емес импакт-факторлы жарияланымдары бар. Барлығы Г.Ручкинаның 1 монографиясы, 8 оқулығы, 70-тен астам басылымдары бар. Түрлі халықаралық форумдарға қатысты, Қазақстанның, Германияның, Болгарияның жетекші университеттерінде тағылымдамадан өтті.
Галина Адгамовна – биологиялық пәндер бойынша студенттердің қалалық және облыстық ғылыми жобалар байқауларының, сондай-ақ «Қостанай дарыны» аймақтық ғылыми-практикалық орталығындағы қалалық және облыстық олимпиадалардың қазылар алқасының мүшесі.
Мерейтой иесін құттықтауға «Қостанай дарыны» өңірлік ғылыми-практикалық орталығының директоры Гүлнәр Укина және өзге де ЖОО-дағы әріптестері келді. Студент-шәкірттері мен кафедра түлектері де жылы лебіздерін білдірді.
Біз де құттықтауларға қосыламыз, денсаулық тілейміз, шығармашылықта, ғылымда табысты болыңыз!
