А.Байтұрсынов атындағы Қостанай өңірлік университеті халықаралық Студенттер күнін мерекелеу мақсатында «Екі жұлдыз» вокалдық конкурсын өткізді. Сайысқа оқытушы мен студенттен құралған 6 жұп қатысты. Барлық командалардың дайындығы жоғарғы дәрежеде. Олар тек ән айтып қана қоймай, би билеп, тартымды қойылымдармен сахнаның көркін келтірді. Ал кәсіби қазылар алқасы қатысушылардың шеберлік деңгейіне байланысты бағалады.
«Талантты жұп» номинациясында Қуаныш Есімханов пен Данель Баймұхановаға тең келер ешкім болмады.
Қарлығаш Тұрғанбекқызы мен Жанболат Жанділдин «Жарқын жұп» номинациясы бойынша лайықты деп танылды.
«Көрермендер көзайымы» номинациясында Диана Рақпанова мен Адина Мұсабаева үздік атанды.
Айкүміс Сәкен мен Шерхан Нұрханұлы «Екі жұлдыз» байқауының «қола жүлдегерлері» атанды.
2-орында Карина Жаңабаева мен Перизат Гиса.
Байқаудың Гран-приі, «Екі жұлдыз» байқауы бойынша ҚӨУ-нің үздік дуэті атағы Әлішер Ибрагимов пен Алексей Самойловқа берілді.
Жеңімпаздарды, сондай-ақ байқаудың барлық қатысушыларын құттықтаймыз, шығармашылық шабыт, жеңіс тілейміз!
