«Ахмет ұрпақтары» пікірсайыс клубы қала мен облыста бірыңғай пікірсайыс қоғамдастығын құру туралы бастама көтерді. Осы бастама аясында 6-7 қараша күндері қала мектеп оқушыларының қатысуымен «Заманауи әлемдегі толеранттылық» тақырыбында дебаттық турнир ұйымдастырылды. Сайысқа 16 команда қатысты. Қатысушылар қатарында Қостанай қаласының ЖОО мен №5 мектеп оқушыларының командасы болды. Ойынға студенттік өмірін дебат клубымен байланыстыруды жоспарлаған жаңадан келген бірінші курс студенттері де қатысты.
Ұйымдастырушылар мұндай турнирлер жаңадан келген пікірсайысшыларға ойынның техникасын меңгеруге және форматтардың ерекшеліктерін түсінуге көмектеседі деп үміттенеді.
Жеңімпаздар кубогын Камила Авгумбаева мен Айдар Рамазанов иеленді. 2 орын Әлия Асқар мен Айша Қунаеваға тиесілі. Яна Обруч пен Владимир Фоминов 3 орынға лайық деп танылды.
«Ахмет Ұрпақтары» клубының пікірсайысшылары - облыстың мықты пікірсайысшыларының бірі. Олар қаланың басқа да оқу орындарына пікірсайыс қозғалысын насихаттауға қуана көмектеседі.
