«Алтын ғасыр» мейрамханасында көптен күткен шара – А.Байтұрсынов атындағы ҚӨУ-нің қайырымдылық балы өтті. Жиналған қаражат жыл сайын қымбат емді қажет ететін науқас балаларға немесе университетіміздің студенттерінің емделуіне аударылады. Биылғы қайырымдылық бал Диаз Азаматұлына қолдау көрсету мақсатында ұйымдастырылды. Церебралды сал ауруына шалдыққан 7 жасар Диаздың еміне университет студенттері 256 000 теңге жинап берді.
Бал бағдарламасы бойынша қатысушылар корольдік, классикалық және заманауи бағытта 3 вальс биледі. Сонымен қатар әр институт визиткалар дайындап, анимациялық фильмдердің кейіпкерлерін сомдады. «DreamWorks» анимациялық студиясын ауыл шаруашылығы институты ұсынды. «Disney» студиясының кейіпкерлерін инженерлік-техникалық институттың студенттері сөйлетті. Педагогикалық институт «Pixar» студиясының анимациялық кейіпкерлерін көрсетті. Ал Экономика және құқық институты «Союзмультфильм» анимациялық студиясының өнімдерін ұсынды.
Бал мен қайырымдылық көмекке мұқтаж адамға үміт сыйлауға деген құлшынысты, ал екінші жағынан әлемді өнер арқылы әдемі етеуге деген ұмтылысты біріктіреді.
Іс-шараға қолдау көрсеткен демеушілер:
«Зодиак» кинотеатры;
Толық цикл оптикасы «el optica»;
«Esthetic Dent» стоматологиялық орталығы;
«Aristocrat» шаштаразы;
«Baitursynov shop» А.Байтұрсынов атындағы ҚӨУ-нің ресми бренді;
«San Seven» фастфуд мейрамханасы;
«Tia beauty» корей косметика дүкені;
Кірпік ұзарту шебері Dinara Guseinkulieva.
