Өткен аптаның аяғында А.Байтұрсынов атындағы Қостанай өңірлік университетінде әлеуметтік-гуманитарлық пәндер кафедрасының ұйымдастыруымен ұлт ұстазы Ахмет Байтұрсынұлының 150 жылдық мерейтойына орай «Ахмет Байтұрсынұлы тағылымы» тақырыбында студенттердің республикалық ғылыми-зерттеу жұмыстарының байқауы өтті.
Байқаудың мақсаты – Алаш қайраткері, ақын, қазақ тіл білімі мен әдебиеттану ғылымының негізін салушы А.Байтұрсынұлының бай мұрасын зерттеу.
Онлайн ғылыми-зерттеу байқауына Қазақстан Республикасының ЖОО-ның студенттері қатысты.
Байқау келесі тақырыптық бағыттар бойынша өткізілді:
Ұйымдастыру алқасына 2022 жылдың 17 ақпанына дейін Қазақстанның ЖОО-нан 100-ден астам жұмыс келіп түсті. Жұмыстарды қабылдау мерзімі аяқталғаннан кейін байқаудың қазылар алқасы бір аптаның ішінде түскен материалдардың сапасына орай қатысушыларды іріктеп, байқаудың ақтық кезеңіне қатысуға шақырды. Барлығы 30 үміткер ғылыми-зерттеу жұмыстарын қорғауға мүмкіндік алды, яғни финалға жолдама алды
Байқау қорытындысы бойынша жеңімпаздар анықталып, І, ІІ, ІІІ дәрежелі димломдармен марапатталды. Сонымен қатар түрлі номинациялар бойынша сертификаттар табысталды.
Жүлдегерлердің тізімімен СІЛТЕМЕ бойынша өтіп, таныса аласыздар.
